jack ma
“ခင်ဗျား အခု အသက် ၂၅ နှစ်ရှိပြီ ဟုတ်လား…။ မစိုးရိမ်နဲ့။ အဲ့ဒါ အကောင်းဆုံးအချိန်ပဲ။ ကျွန်တော့ရဲ့ လျှောက်လမ်းမှု နည်းလမ်းလေးနဲ့ အကြံပေးချင်တယ်။
အသက် ၂၀ မပြည့်ခင်အထိ အချိန်ကာလက သင်ကြားမှု အချိန်ကာလ ဖြစ်ပါတယ်။ ကိုယ်ဟာ စွန့်ဦးတီထွင်သူ တစ်ယောက်ဖြစ်တယ်။ ကိုယ်ဟာ စွန့်ဦးတီထွင်သူ တစ်ယောက် ဖြစ်ချင်တယ်ဆိုရင် အသက် ၂၀ အောက်မှာ ဒါကို သေချာ လေ့လာ ဆည်းပူးထားရန်လိုအပ်ပါတယ်။
အသက် ၂၀ နဲ့ ၃၀ ကြား ရောက်ပြီဆိုပါစို့။ ယင်းအချိန်ဟာ အလုပ်တစ်ခုကို ရွေးချယ်ပြီးတော့ လုပ်ကိုင်ရမယ့် အချိန်အခါ ဖြစ်ပါတယ်။ ကုမ္ဗဏီကြီးမှာ လုပ်တယ်ဆိုရင် သူတို့ရဲ့ လုပ်ဆောင်ချက် အဆင့်ဆင့်ကို လေ့လာခွင့်ရမယ်။ ကိုယ်ဟာ စက်ကြီးတစ်ခုရဲ့ အစိတ်အပိုင်း ဖြစ်လာမယ်။ အကယ်၍ company သေးသေးလေး မှာ စလုပ်ဖြစ်တယ်ဆိုပါစို့။ သူတို့ရဲ့ အောင်မြင်လိုစိတ်တွေ၊ ဝါသနာ ပါမှုတွေကို လေ့လာခွင့်ရမယ်။ ဒီတော့ ဘယ်ကုမ္ဗဏီရွေးလုပ်လုပ် အဓိကကတော့ ကိုယ် ဘယ် boss နောက်ကို လိုက်တယ်ဆိုတဲ့အချက်ပဲ။ သူဟာ ကိုယ့်ကို လုပ်ငန်းခွင်မှာ အများကြီးသင်ပေးသွားမယ့်သူ။ ကုမ္ဗဏီကြီးတယ်၊ သေးတယ်ဆိုတာထက် ဘယ် လုပ်ငန်းရှင်ကောင်းနောက်ကို လိုက်တယ်ဆိုတာ အင်မတန် အရေးကြီးပါတယ်။
အသက် ၃၀ နဲ့ ၄၀ ကြား ရောက်ပြီ ဆိုပါစို့။ ကိုယ့်ကိုယ်ကို လုပ်ငန်းတစ်ခုစဖို့ စဉ်းစားတော့။ စဉ်းစားတဲ့အခါ ကိုယ်ဘယ်နေရာမှာ ထူးချွန်ကျွမ်းကျင်လဲဆိုတာကို လေ့လာ။ အဲ့အချိန်ရောက်မှာ ကိုယ်မကျွမ်းတဲ့ နယ်ပယ်ထဲ ဝင်ဖို့ မစဉ်းစားနဲ့တော့။ အောင်မြင်ကောင်းအောင်မြင်လိမ့်မယ်။ ဒါပေမယ့် ကျရှုံးနိုင်ချေ အရမ်းများပါတယ်။ ဒီတော့ ကိုယ်လုပ်နိုင်တာနဲ့ လုပ်ချင်တာကို သေချာ ရွေးချယ်ပါ။
အသက် ၄၀ ကနေ ၅၀ ကြား ရောက်ပြဆိုပါစို့။ အဲ့အရွယ်ကျရင် ကိုယ်လုပ်နေတဲ့ဟာကိုပဲ ဘယ်လို အကောင်းဆုံး ဖြစ်အောင် လုပ်နိုင်မလဲဆိုတာ သေချာ စဉ်းစားပါ။ လုပ်ပါ။ ဘယ်လို ဆက်ပြီးတော့ အောင်မြင်အောင်၊ အကောင်းဆုံး ဖြစ်အောင် ဘာလုပ်ရမလဲ ဆိုတာပေါ့။
အသက် ၅၀ နဲ့ ၆၀ ကြား ရောက်ပြီ ဆိုရင် မျိုးဆက်သစ် လူငယ်တွေအပေါ်မှာ စတင် ရင်းနှီးမြှုပ်နှံတော့။ ဘာလို့လဲဆို သူတို့ဟာ ခင်ဗျားတို့ထက် ပိုပြီးတော့ လုပ်နိုင်တယ်။ ခင်ဗျားတို့၊ ကျွန်တော်တို့ လုပ်နိုင်တော့မှာ မဟုတ်ဘူး။ အဲ့အချိန်ကျရင်လုပ်မယ့်အစား ရင်းနှီးမြှုပ်နှံဖို့ပဲ စဉ်းစားပါ။
အသက် ၆၀ ကျော်လာပြီ ဆိုပါစို့။ အဲ့အချိန်ကျရင် ဘာမှ မလုပ်နဲ့တော့။ ကမ်းခြေမှာပဲ ဖြစ်ဖြစ် နေရောင်နဲ့ လိုင်းရိုက်ခတ်မှုကိုခံစားတော့။ အဲ့အရွယ်ဟာ ကိုယ့်ဘဝရဲ့ ပြုပြီး ဖြစ်ခဲ့ပြီးတို့ကို ပြန်လည် ခံစား အေးဆေး နေရတော့မယ် အချိန် ဖြစ်ပါတယ်။
ဒီတော့ အခု အသက် ၂၅ နှစ်အရွယ်မှာ ဘာမှ ဖြစ်မလာသေးပါလားဆိုပြီးတော့ မစိုးရိမ်နဲ့။ အမှားတွေ လုပ်ဖြစ်မယ်။ အမှားတွေပါမယ်။ အမှားလုပ်ဖြစ်တာဟာ ကိုယ့်ဘဝအတွက် ကြီးမားတဲ့ အမြတ်တွေပါပဲ။ သူတို့ဆီကနေ အတွေ့အကြုံတွေ၊ အသိတွေ ပြန်ရတာကိုး။ ဒီတော့ လှဲကျတိုင်း ပြန်ထဖို့ ကြိုးစားပါ။ အရှုံးမပေးပါနဲ့”
အောင်ခမ်း (MMAS)
Reactions:

Post a Comment

 
Top